يتحّدث طارق عن أهمّية وجود أظافر على اليد اليمنى للعزف على الجيتار و علاقة ذلك بالأوتار.
طارق حرب:
"مرحبا أنا طارق حرب من اعزف دوت كوم.
و بهادا الدرس راح أحكيلكم عن كيفية العزف ع الكلاسيكال جيتار اللي فيه نقطة مهمة كتير إنه الواحد يكون عنده أضافر في اليد اليمنى عشان مع الأضافر هادول الواحد بيطلع صوت من الجيتار من الكلاسيكال جيتار.
ليش اعتمدو الأضافر للكلاسكال جيتار هلا مع الوقت صار الجيتار مشهور أكتر وصارو يعزفوه بمحلات أكبر ولجمهور بأرقام أكثر الجمهور فصار مهم الواحد يقدر يسمع الجيتار ولما الواحد يعزف من غير الأضفر بيطلع الصوت واطي (يعزف الاستاذ طارق التمرين).
وخجول شوي الصوت أنا بالنسبة إلي بلاقيه بس مع الأضفر (يعزف الاستاذ طارق التمرين) النوتة صارت قوية وأعلى وفخمة هيك فيها برايتنيس وفيها دايريكشن فيها إتجاه أقوى كتير مع هادا الإتجاه بتوصل النوتة من الجيتار لآخر واحد أو لآخر مستمع قاعد في الكونسيرت هول باستعمال الأضافر بنقدر نوصل لهاي المرحلة في العلو تبع النوتة وفي وضوح أهم شي وضوح النوتة الموسيقية.
أوكي فكيف بدنا هلا نربي الأضافر وقد إيش بياخدنا وقت عشان نربيهم هلا بالنسبة لأضافر زي ما قولنا آي إم أيه والسي طولهم أقصر من الإبهام أوكي ليش عشان الإبهام جاي في زاوية معينة اللي بيحتاج يكون طول الإضفر أكتر لو كان الإضفر قصير بيصفي دايما عم بالعب بلحم الإلبهام بس عشان إنه شوية أطول (يعزف الاستاذ طارق التمرين) بقدر فعليا أوصل للأضفر وأعزف (يعزف الاستاذ طارق التمرين).
باستعمال الأضفر واللحم طبعا هاي راح نكي فيهو كمان شوية فعشان هيك بالآي إم وأيه وسي ما بنحتاج يكون كتير طويل الأضفر إذا كان كتير طويل راح يعلق في الوتر وراح يصعب بالعزف على الكلاسيكال جيتار ف زي ما إنتو شايفين بالصورة الأولى يكون الطول تبع الأضفر ما بين اتنين و تلاتة ميلليميتر فوق اللحم إذا بتتطلعو على الأضفر زي هيك قدامكم بيكون طالع يادوب اتنين ميلليميتر أنا شوي أقصر من تلاتة ميلليميتر يمكن اتنين ميلليميتر للآي إم أيه وسي هادا الآيديال لينث أو الطول المميز للأصابع الآي إم أيه سي للإبهام عشان إنه جاي بزاوية معينة غير عن الأصابع الآي إم أيه و سي لازم نطوله أكتر عشان يوصل للوتر بالأحرى يعني ف بيصفي عنا في توازن بين الصوت يعني لو هادا كان كتير قصير وبيعطيني صوت لحم (يعزف الاستاذ طارق التمرين).
ما بيظبط عشان هادول بيعطوني صوت (يعزف الاستاذ طارق التمرين), الأضفر مع اللحم صوت كتير أعلى فبدنا يكون متوازن بدنا هادا يعطي صوت وهادا يعطي صوت كمان عشان يصير فيه توازن بين البيز والميلودي أو التريبل شقة التريبل تبع الجيتار."
